అక్కినేని ఇంటర్నేషనల్ ఫౌండేషన్ ఎంతో ప్రతిషాత్మకంగా అందిస్తున్న ఏఎన్నార్ జాతీయ పురస్కారం 2018 సంవత్సరానికి గాను దివంగత నటి శ్రీదేవికి దక్కింది. 2019 ఏడాదికి గాను ఈ అవార్డు రేఖకు వరించింది. ఈ అవార్డుకు సంబందించిన వివరాలను టి. సుబ్బిలిరామిరెడ్డితో కలసి అక్కినేని నాగార్జున మీడియా సమావేశంలో ప్రకటించారు. నవంబర్ 17న అన్నపూర్ణ స్టూడియోస్లో నిర్వహించే ఓ ప్రత్యేక కార్యక్రమంలో ఈ అవార్డులను ప్రధానం చేయనున్నారు.

చిరంజీవి ముఖ్య అతిధిగా హాజరై అవార్డులు అందించనున్నట్లు తెలుస్తుంది. అలాగే అదే రోజు అన్నపూర్ణ స్టూడియోస్ లో అన్నపూర్ణ కాలేజీ అఫ్ ఫిల్మ్ అండ్ మీడియా మూడో కాన్వకేషన్ నిర్వహించనున్నారు. ఈ కార్యక్రమానికి నటి రేఖ ముఖ అతిధిగా వ్యవహరించనున్నారు. సినీ పరిశ్రమ అక్కినేని నాగేశ్వరరావు అందించిన సేవలను గుర్తు చేస్తూ ప్రతి ఏడాది పరిశ్రమలోని సినీ ప్రముఖులను గుర్తించి ఏఎన్నార్ అవార్డు అందించడం జరుగుతుంది.