#Eeswaran #STR #Simbu

హీరో శింబు డెడికేషన్‌ గురించి చెప్పనక్కర్లేదు. లాక్‌డౌన్‌ సమయంలో భారీగా వర్కవుట్స్‌ చేసి 101 కేజీల నుంచి 71 కేజీల వరకు తగ్గిపోయాడట. తనలోని మార్పు తనకే షాకిచ్చిందని అంటున్నాడు శింబు. ప్రస్తుతం తమిళ్ నటుడు శింబు సుశీంద్రన్‌ దర్శకత్వం వహిస్తున్న ‘ఈశ్వరన్‌’ చిత్రంలో నటిస్తున్నారు. ఈ చిత్రం కోసం శింబు 30 కేజీల బరువు తగ్గాడు. అంతేకాదు భరతనాట్యం సైతం నేర్చుకున్నారు. శరణ్యా మోహనన్‌ వద్ద ఆయన భరతనాట్యం చేస్తున్న వివిధ భంగిమల్లో ఉన్న ఫోటోలు సోషల్‌ మీడియాలో వైరల్ గా మారాయి.  ఇందులో నిధి అగర్వాల్‌ హీరోయిన్‌గా నటిస్తుంది. అయితే.. కొన్ని నెలలుగా శింబు పడుతున్న కష్టం, వర్క్‌పై ఆయనకున్న అంకిత భావాన్ని చూసి మురిసిపోయిన శింబు తల్లి బ్రిటీష్‌ రేసింగ్‌ కారు మినీ కూపర్‌ను శింబుకు బహుమతిగా ఇచ్చారు.  ఇది శింబు డ్రీమ్‌ కారని.. దీని ధర రూ. 50 లక్షలని సమాచారం. తల్లి ఇచ్చిన గిఫ్ట్‌కు శింబు తెగ సంతోషించాడట.