#RamCharan   #RRRMovie #RRR #NTR  #KomaramBheemNTR

టాలీవుడ్‌లో భారీ సినిమాలు సైతం లీకుల నుంచి తప్పించుకోలేక పోతున్నాయి. ఇప్పుడు తెలుగులో తెరకెక్కుతున్న రాజమౌళి ఆర్ఆర్ఆర్ సినిమా నుంచి ఫోటోలు లీక్ అయ్యాయి. ఈ ఫోటోలలో కొమరం భీమ్ పాత్రలో ఎన్‌టీఆర్ సంకెళ్లు తెంచుకుంటూ కనిపిస్తున్నారు. మరో ఫోటోలో అల్లూరి సీతారామరాజు పాత్ర చేస్తున్న రామ్ చరణ్ బ్రిటీష్ పోలీస్ అధికారిగా కనిపిస్తున్నారు. ఈ సినిమా విషయంలో జక్కన్న ఎన్ని జాగ్రత్తలు తీసుకున్నా లాభం లేక పోయింది. ఇదిలా ఉంటే ఈ సినిమా 1920 బ్యాక్‌డ్రాప్‌లో సాగే ఫిక్షనల్ పీరియాడికల్ చిత్రంగా తెరకెక్కుతోంది. రెండు నిజమైన పాత్రల ఆధారంగా ఈ సినిమా రూపొందుతోంది. ఈ సినిమా అక్టోబర్ 13న విడుదల కానుంది. ఈ సినిమాలో అజయ్ దేవ్‌గణ్, అలియా భట్, రే స్టీవెన్ సన్, సముద్రఖని, అలిసన్ డూడి తదితరులు కీలక పాత్రల్లో కనిపించనున్నారు.