ఇది వింతగా ఉండొచ్చు కానీ, ఒకప్పటి హాట్ బ్యూటీ మల్లికా షెరావత్ బొడ్డుపై ఆమ్లెట్ వేస్తానని అని పట్టుపట్టాడట ఓ నిర్మాత. ఈ విషయాన్ని మల్లికా షెరావత్  స్వయంగా ఈ విషయాన్నీ వెల్లడించింది. సినిమాలకు గ్యాప్ ఇచ్చిన మల్లికా ఇటీవల తానూ నటించిన ఓ వెబ్ సిరీస్ ప్రమోషన్ కోసం కపిల్ శర్మ షోకు హాజరైంది. ఈ అందర్భంగా తన గ్లామర్ ను తెరపై పరిచేందుకు నిర్మాతలు తాపత్రయపడుతుంటారని ఆమె గుర్తుచేసుకుంది.

ఓ సినిమాలో పాటకు సంబందించిన షూటింగ్ జరుగుతుండగా ఆ సినిమా నిర్మాతకు ఓ కొత్త ఆలోచన వచ్చిందట. ఇంతటి సెక్సీ, హాట్ స్టార్ ను మాములుగా చూపెడితే ఏమి బాగుంటుందని భావించిన ఆ కొత్త నిర్మాత మల్లిక బొడ్డుపై ఆమ్లెట్ వేస్తున్నట్లు చూపిద్దామని అన్నాడట. బిత్తరబోయిన కెమెరామెన్ మల్లికా వద్దకు వచ్చి నీ బొడ్డుపై ఆమ్లెట్ పొద్దామని అన్నాడు నిర్మాత... ఓకేనా అన్నాడట. దాంతో కంగారుపడటం తన వంతు అయిందని ఆమె నవ్వుతు చెప్పింది.

అలాగే తనతో నటించిన చాలామంది హీరోలు తెరవెనుక సాన్నిహిత్యాన్ని ఆశించారని, అయితే తాను అందుకు నిరాకరించడంతో తనకు దక్కాల్సిన చాలా అవకాశాలు ఆ హీరోల గర్ల్‌ఫ్రెండ్స్‌కు వెళ్లిపోయాయని ఆమె చెప్పుకొచ్చింది. తాను ఎన్నడూ ఎవరినీ సంతోషపెట్టడానికి ప్రయత్నించలేదని, నిర్మొహమాటంగా మాట్లాడడమే తన నైజమని ఆమె స్పష్టం చేసింది.