#AmitabhBachchan #COVID19 #coronavirus

కొన్ని ద‌శాబ్దాల పాటు ప్రేక్ష‌కుల‌ని అల‌రిస్తూ వ‌స్తున్నారు బాలీవుడ్ మెగాస్టార్ అమితాబ్ బ‌చ్చ‌న్. ఆయ‌న‌కి మ‌న దేశంలోనే కాదు విదేశాల‌లోను భారీ ఫ్యాన్ ఫాలోయింగ్ ఉంది. కొద్ది రోజుల క్రితం అమితాబ్‌కి క‌రోనా సోక‌గా, ఆయ‌న త్వ‌ర‌గా కోలుకోవాలని ప్ర‌తి ఒక్క‌రు ప్రార్ధిస్తున్నారు. అయితే కోవిడ్ 19తో అమితాబ్ చ‌నిపోవాల‌ని కొంద‌రు ట్విట్ట‌ర్‌లో ట్రోల్ చేస్తున్నారు. ఈ విష‌యం బిగ్ బీ దృష్టికి రావ‌డంతో ఆయ‌న త‌న బ్లాగ్ లో ఇలా స్పందించారు.

మిస్ట‌ర్ అజ్ఞాత వ్య‌క్తి. మీరు మీ తండ్రి పేరు రాయ‌లేదు. ఎందుకంటే మీ తండ్రి  ఎవ‌రో మీకే తెలియ‌దు. నేనొక‌టి చెబుతున్నా. ఏవైన  రెండు విష‌యాలు జ‌ర‌గొచ్చు. నేను చ‌నిపోతాను లేదా బ్ర‌తుకుతాను. నేనొక వేళ చ‌నిపోతే సెల‌బ్రిటీపై దూష‌ణ‌కి దిగ‌లేరు. ఒక‌వేళ దేవుడి ద‌య వ‌ల‌న  నేను బ్ర‌తికి ఉంటే నా నుండి మాత్ర‌మే కాకుండా 90 మిలియ‌న్ ఫాలోవ‌ర్స్  నుండి చాలా ఎదుర్కొవ‌ల‌సి వ‌స్తుంది. ఒకానొక రోజు దీని వ‌ల‌న నువ్వే ప‌శ్చాతాపం చెందుతావు అని బిగ్ బీ ఆగ్ర‌హం వ్య‌క్తం చేశారు.