పాత్రకోసం ఎంత కష్టమైనా భరించి, కథకు అనుగుణంగా మారిపోయే అతికొద్దిమంది నటుల్లో బాలీవుడ్ మిస్టర్ పెర్ఫెక్షనిస్ట్ అమిర్ ఖాన్ ఒకరు. వైవిధ్యమైన పాత్రలను ఎంచుకుంటూ యువ హీరోలకే కాదు, తన తోటి నటులకు సైతం పోటీగా నిలుస్తుంటారు.

అద్వైత్ చందన్ దర్శకత్వంలో అయన కీలక పాత్రలో న్తసితున్న సినిమా లాల్ సింగ్ చద్దా. సోమవారం ఈ సినిమాలోని అమిర్ లుక్ విడుదల చేసింది చిత్ర యూనిట్. గుబురు గడ్డం, తలపై టర్బన్ తో ఉన్న అమిర్ ఫోటోను అభిమానులతో పంచుకున్నారు. అంతేకాదు సినిమా విడుదల తేదీని కూడా ప్రకటించింది. వచ్చే ఏడాది క్రిస్మస్ కానుకగా ఈ సినిమా ప్రేక్షకుల ముందుకు రానున్నట్లు తెలిపింది.

ఇటీవల ఈ సినిమా షూటింగ్ చండీగఢ్ లో జరిగింది. కరీనా కపూర్ కూడా షూటింగ్ లో పాల్గొన్నారు. ఈ సందర్భంగా అమిర్ కు సంబందించిన ఫోటోలు వైరల్ అయ్యాయి. థగ్స్ అఫ్ హిందుస్థాన్ తర్వాత అమిర్ నటిస్తున్న సినిమా ఇదే కావడం గమనార్హం. ఈ సినిమాకోసం అమిర్ ఏకంగా 20 కిలోల బరువు తగ్గారు.