రవిబాబు సినిమాలంటే ఎలా ఉంటాయో ప్రత్యేకంగా చెప్పనక్కర్లేదు. అయన సినిమాలన్నీ చాలా విభిన్నంగా ఉంటాయి. రొటీన్ సినిమాలకు చాలా దూరంగా తన సినిమాలను తెరకెక్కిస్తుంటాడు. ఈ దర్శకుడు ఇప్పుడు కూడా నిర్మాత దిల్ రాజు సమర్పణలో ఏ ఫ్లైయింగ్ ఫ్రాగ్స్ ప్రొడక్షన్ బ్యానర్ పై రవిబాబు దర్శకనిర్మాణంలో రూపొందిన సినిమా ఆవిరి.

ఈ సినిమా నవంబర్ 1న విడుదల కానుంది. తాజాగా ఈ సినిమా ట్రైలర్ విడుదలైంది. మరోసారి దెయ్యాన్ని వెంటపెట్టుకొని వస్తున్నాడు ఈ దర్శకుడు. ఇందులో ఆయనే హీరోగా నటించాడు. మరోసారి కథనే ప్రధానంగా సాగె థ్రిల్లర్ సబ్జెక్టు తో వస్తున్నాడు రవిబాబు. ట్రైలర్ నిండా దెయ్యాలు, ఆత్మలు చూపించాడు రవిబాబు. మున్నీ అనే పాప చుట్టూనే ఈ కథ అంతా తిరుగుతుంది.

ఈ సందర్భంగా రవి బాబు మాట్లాడుతూ.... 'ఈ సినిమా ట్రైలర్ కు ప్రేక్షకుల నుంచి మంచి రెస్పాన్స్ వచ్చింది. దాంతో సినిమాపై అందరిలో ఆసక్తి నెలకొంది. అన్ని కార్యక్రమాలు పూర్తి చేసుకున్న మా సినిమాని నవంబర్ 1న ప్రేక్షకుల ముందుకు తీసుకొస్తున్నాం. ఈ సినిమా తప్పకుండా అందరిని మెప్పిస్తుంద'ని అన్నాడు.