నాగచైతన్య, సమంత, జంటగా శివ నిర్వాణ దర్శకత్వంలో రూపొందిన చిత్రం మజిలీ. ఏప్రిల్ 5న ప్రేక్షకుల ముందుకు వచ్చిన ఈ సినిమాలో దివ్యాన్ష కౌశిక్ మరో హీరోయిన్ గా నటించింది. విభిన్నమైన ఈ ప్రేమకథా చిత్రానికి తెలుగు రాష్ట్రాల్లోనే కాకుండా ఓవర్సీస్ లో కూడా నీరాజనాలు పట్టారు. భారీ వసూళ్లు రాబడుతూ వెళుతున్న ఈ సినిమా ఈరోజుతో 25 సెంటర్స్ లో 50 రోజులు పూర్తి చేసుకుంది. ఈ విషయాన్నీ చిత్ర యూనిట్ అధికారికంగా ప్రకటిస్తూ.... అందుకు సంబదించిన పోస్టర్ ని విడుదల చేసింది. ఇంతటి ఘనవిజయాన్ని అందించిన ప్రేక్షకులకు ఈ పోస్టర్ ద్వారానే కృతజ్ఞతలు తెలిపారు. 'మజిలీ' తరువాత వచ్చిన చాలా సినిమాల పోటీని తట్టుకుని ఈ స్థాయి విజయాన్ని సాధించడం నిజంగానే విశేషమని చెప్పుకోవాలి.