సౌత్ ఇండియన్ సూపర్ స్టార్ రజనీకాంత్ నటించిన తాజా సినిమా కబాలి విడుదల కోసం కొన్ని నెలలుగా ఎంతో ఆసక్తిగా ఎదురుచూస్తున్నారు అటు అభిమానులు, ఇటు సినీ ప్రియులు. ఇక ఆరోజు రానే వచ్చింది. కబాలి సినిమాని ఈ శుక్రవారం ప్రపంచవ్యాప్తంగా అత్యధిక థియేటర్లలో భారీగా విడుదల అవుతున్న విషయం తెలిసిందే. ఇప్పటికే అన్నిచోట్ల ఈ సినిమా మొదటి వారాంతానికి సంబందించిన టికెట్స్ అమ్మకాలు అయిపోగా, ఫాన్స్ తమ అభిమాన హీరోని తెరపై ఎప్పుడు చుస్తామాని వేయికళ్లతో ఎదురుచూస్తున్నారు.

ఇదిలా ఉంటే ఈ సినిమాకి సంబందించిన కొన్ని సన్నివేశాలు లీక్ అవడం సోషల్ మీడియాలో హాట్ టాపిక్ గా మారింది. రజనీకాంత్ ఇంట్రోతో పాటు ఇతర సన్నివేశాలు లీక్ అయి, వాట్స్ అప్ లాంటి మాధ్యమాల్లో బాగా షేర్ అవుతున్నాయి. ఈ సన్నివేశాలు ఎక్కడి నుంచి లీక్ అయ్యయో తెలియరావడంలేదు. రజనీకాంత్ అభిమానులు, సినీ పరిశ్రమ మాత్రం ఈ వీడియో భహిష్కరించి అభిమానులంతా సినిమాని థియేటర్లో చూడాలని కోరుతున్నారు. ఏదేమైనా ఓ క్రేజీ సినిమా ఇలా విడుదలకు ముందే ఆన్ లైన్ లో ప్రత్యక్షం అవడం బాధాకరం. దర్శకనిర్మాతలతో పాటు ఎంతోమంది కష్టానికి ఫలితమైన సినిమాని పైరసీలో చూడకుండా, థియేటర్లోనే ప్రేక్షకులందరూ ఆస్వాదించాలని కోరుకుందాం

నాణ్యమైన వార్తలు అందిస్తున్న ఆంధ్రవిలాస్ ఇప్పుడు మీకోసం ఫేస్ బుక్ మరియు ట్విట్టర్ ద్వారా అందిస్తుంది సో వెంటనే లైక్ చేయండి .ఇంకా ఆలస్యం ఎందుకు ఫేస్‌బుక్ లో లైక్ చేస్తూ ట్విట్టర్ లో ఫాలొ అవ్వండి.

http://www.facebook.com/andhravilasdotcom

htts://www.twitter.com/andhravilasnews

-B.S

f